ایمن خان کا اپنے مداحوں کیلئے خصوصی پیغام

Spread the Story
  • 213
    Shares

کراچی (جی سی این رپورٹ)پاکستان شوبز انڈسٹری کی معروف اداکارہ ایمن خان نے انسٹاگرام پر شہرت کی دوڑ میں سب سے آگے نکلتے ہوئےاپنی انسٹاگرام فیملی کا شکریہ ادا کیا ہے۔

پاکستان کی صف اول اداکارہ ماہرہ خان کو انسٹاگرام فالوورز کی دوڑ میں پیچھے چھوڑنے والی اداکارہ ایمن خان کے فوٹو اور ویڈیو شیئرنگ ایپ انسٹاگرام پر 6 اعشاریہ 5 ملین یعنی 65 لاکھ فالوورز ہوگئے ہیں۔

میری انسٹاگرام فیملی کے لیے ڈھیروں پیار، ایمن خان

اس ضمن میں ایمن خان نے اپنی انسٹاگرام فیملی کے لیے ایک خصوصی پوسٹ کی جس میں اُنہوں نے اپنے فالوورز کا شکریہ ادا کیا۔

ایمن خان نے اپنی تصویر پوسٹ کرتے ہوئے لکھا کہ ’میری طرف سے میری انسٹاگرام فیملی کے لیے بہت سارا پیار اور آپ سب نے مجھے جو احترام، عزت اور محبت دی ہے اُس کے لیے میں آپ کی بےحد شکرگزار ہوں۔‘

واضح رہے کہ جس وقت ایمن خان اور ماہرہ خان کے انسٹاگرام فالوورز کی تعداد برابر ہوگئی تھی تو اسی دوران ایمن خان کا ایک بیان سامنے آیا تھا جس میں اُنہوں نے کہا تھا کہ اُن کا ماہرہ سے کوئی مقابلہ نہیں، وہ ماہرہ سے بہت پیار کرتی ہیں۔

یاد رہے کہ عالمی شہرت یافتہ ماہرہ خان نے گزشتہ سال اکتوبر میں انسٹاگرام پر 50 لاکھ سے زائد فالوورز مکمل ہونے کا اعزاز حاصل کیا تھا۔

اس خبر پر اپنی رائے کا اظہار کریں

اپنا تبصرہ بھیجیں

This site uses Akismet to reduce spam. Learn how your comment data is processed.